ذبیح‌الله مجاهد، سخنگوی طالبان در واکنش به اظهارات رئیس جمهور تاجیکستان مبنی بر تبدیل‌شدن ولایت‌های شمالی افغانستان به محل پرورش تروریستان بین‌المللی با بی‌اساس خواندن آن گفت که برای رفع این نگرانی، خواستار گفتگو با تاجیکستان است.مجاهد، دیروز (شنبه، ۱۳ جوزا) به سلام‌وطندار گفته است: «رؤسای جمهور کشورها، نباید در این مسٔله دامن بزنند ما خواهان گفتگو با آن‌ها هستیم و به آن‌ها اطمینان می‌دهیم که استراتژی امارت هم همین است که به هیچ کشور زیان وارد نمی‌شود.»وی افزود که بحث تشکیل حکومت فراگیر و تأمین حقوق زن، موضوع داخلی افغانستان است و کشورهای منطقه و جهان، نباید به آن دخالت کنند.شرکت‌کنندگان دومین نشست سران آسیای میانه و کشورهای اتحادیه‌ی اروپا که در قیرقیزستان برگزار شده بود، بر تشکیل حکومت فراگیر، تأمین حقوق زنان و مبارزه با تروریزم در افغانستان تأکید کرده‌اند.