د ارزګان سلګونه زده کوونکی د کانکور له ازموینې پاتې شول

په دغه ولایت کې د يکشنبې په ورځ د کانکور ازموينه واخيستل شوه چې د ارزګان د پوهنې ریيس میرزا محمد سالارزوي په خبره، د ۱۴۵۴ فارغو زده کوونکو له ډلې يوازې ۵۹۳ تنه زده کوونکو په کانکور کې ګډون وکړ.

نوموړی دغه ډول حالت د اندېښنې وړ یاده وی او زیاتوې چې لامل یې نا امنی، د جګړو دوام، د عامه پوهاوی نشت او ورته نور موارد دی.
ده له خلکو وغوښتل چې د عامه پوهاوی په برخه کې ورسره همکاری وکړی څو په راتلونکی کې د کانکور په ازموینه کې د زده کوونکو شمېر لوړ شی.
«په ۱۳۹۹ کال کې ۱۴۵۴ کسان له دولسم ټولګیو فارغ شوی، چې له جملې یې ۵۹۳ کسان د کانکور په ازموینه کې ګډون وکړ او دغه حالت خورا د اندېښنې وړ دی.
نا امنی، فقر، جګړه او د عامه پوهاوی نشت یې لاملونه دی.»
په ورته مهال هغه زده کوونکی چې د کانکور په دې ازموینه کې یې ګډون کړی وایی، روانو جګړو له زده کړو څخه بې برخې کړی او ښوونځی یې هم د جګړو ډګرونه ګرځېدلی دی.
دغه زده کوونکی وایی، په سختو شرایطو کې یې زده کړې کړې او حکومت دی ورته پاملرنه وکړی.
«زموږ په ولسوالیو کې د تعلیم کچه بېخی ټیټه ده، دوې لېسې دی، په هغو کې زده کړی جریان لری. نور ټول ښوونځی بندی دی.»
دا په داسی حال کې ده چې ارزګان د افغانستان یو له هغو ولایتونو څخه شمېرل کېږی چې لږ شمېر خلک یې لیک لوست ته لاس رسی لری.
په ورته وخت کې د دغه ولایت ډېر لږ شمېر زده کوونکی د کانکور په ازموینه کې بریالی کېږی.

  •  افراسیون پوپل، خبرگزاری شانا، ارزگان

بازدیدها: 10

برچسب‌ها

دیدگاهتان را بنویسید

نشانی ایمیل شما منتشر نخواهد شد.

دکمه بازگشت به بالا
بستن