نام کاربری یا نشانی ایمیل
رمز عبور
مرا به خاطر بسپار
امام علی رحمان، رئیس جمهور تاجیکستان امروز سه‌شنبه در دیدار با عبدالله عبدالله، رئیس شورای عالی مصالحه ملی افغانستان که به دوشنبه سفر کرده است، اظهار داشت: تاجیکستان دوست و متحد افغانستان است و از تلاش‌های صلح و تصمیم دولت و مردم این کشور در این عرصه حمایت می‌کند.
به گزارش شانا به نقل از آناتولی؛ رئیس جمهور تاجیکستان در دیدار با دکتر عبدالله، گفت: افغانستان، تاجیکستان و منطقه از تروریسم، افراط‌گرایی و بی‌ثباتی متضرر شده‌اند. تامین صلح و ثبات در افغانستان زمینه گسترش و توسعه تجارت و ترانزیت میان دو کشور، منطقه و اتصال آسیای مرکزی به جنوب آسیا را فراهم می‌کند.»
رحمان، افغانستان را از دوستان و متحدان نزدیک تاجیکستان خواند و تاکید کرد که روابط دو کشور ریشه در همسایگی، مشترکات تاریخی، فرهنگی و دینی دارد.
رئیس جمهور تاجیکستان با اعلام حمایت همه جانبه جمهوری تاجیکستان از تلاش‌های صلح در افغانستان، صلح و ثبات در افغانستان را صلح و ثبات در تاجیکستان، منطقه و فراتر از منطقه خواند.
وی ابراز امیدواری کرد که تلاش‌های صلح تحت رهبری شورای عالی مصالحه ملی در افغانستان به پیروزی برسد.
در همین راستا، عبدالله نیز گفت: روابط و دوستی میان دو کشور بر ارزش‌ها و مشترکات تاریخی، فرهنگی و دینی استوار است.
وی در ادامه تاکید کرد که دولت افغانستان در مذاکرات صلح به دست‌یافتن به صلح پایدار، عادلانه، باعزت و با حفظ ارزش‌های جمهوریت متعهد است.
رئیس شورای عالی مصالحه ملی افغانستان افزایش خشونت‌ها و جنگ را یکی از نگرانی‌های دولت و مردم کشورش عنوان کرد و بر پایان جنگ و خون‌ریزی در جریان مذاکرات تأکید کرد.
براساس گزارش‌های شورای امنیت سازمان ملل و برخی نهادهای مستقل، با واگذاری قدرت به طالبان، افغانستان به پناهگاه گروه‌های مختلف تروریستی تبدیل شده است.
امام علی رحمان، رئیس جمهور تاجیکستان با اشاره با تامین امنیت مرزهای این کشور با افغانستان، گفت در مرزهای مشترک ۷۵ پاسگاه ساخته شده است.
رئیس شورای اروپایی که در نشست نمایندگان اتحادیه اروپا و سران کشورهای آسیای مرکزی شرکت کرده بود گفت که نگذاریم افغانستان به بهشت تروریسم تبدیل شود.
سخنگوی طالبان در واکنش به گفته‌های رئیس جمهور تاجیکستان مبنی بر تبدیل شدن ولایت‌های شمالی افغانستان به محل پرورش تروریستان بین‌المللی با بی‌اساس خواندن آن می‌گوید که برای رفع این نگرانی، خواستار گفتگو با تاجیکستان است.
دیدگاه بسته شده است.