تاجیکستان ۷۵ پاسگاه در مرز خود با افغانستان احداث کرد

امام علی رحمان، رئیس جمهور تاجیکستان با تاکید بر تامین امنیت بیشتر مرزهای این کشور با افغانستان، گفت ۷۵ پاسگاه امنیتی در یک سال اخیر در مرزهای مشترک احداث شده است.

ریاست جمهوری تاجیکستان نیز در سال جاری اعلام کرده بود چندین پاسگاه با تجهیزات مدرن در منطقه «بدخشان»، «مرغاب»، «اشکاشم»، «روشان»، «فرخور»، «شمس‌الدین شاهین» و پنج منطقه «ختلان» به بهره‌برداری رسیده‌ است.

امام علی رحمان نیز در سفر به منطقه خودمختار «گورنو» در بدخشان در نزدیکی افغانستان، تاکید کرده بود: مرزبانان به‌عنوان سپری قابل اعتماد، باید مرزهای تاجیکستان را در برابر همه تهدیدات و خطرات جدید بویژه قاچاق مواد مخدر و جنایات فراملی حفظ کنند.

گفتنی است که طالبان بارها تاکید کرده‌اند که افغانستان امن است و از خاک این کشور هیچ کسی تهدید نمی‌شود؛ اما بارها نیروهای این گروه با نظامیان پاکستان و مرزبانان جمهوری اسلامی ایران درگیری داشته‌اند.

تاجیکستان برخلاف برخی کشورهای همسایه، تاکنون حاضر نشده است سفارت افغانستان را به گروه طالبان بسپارد، اخیراً نیز نشستی با حضور مخالفان گروه طالبان در دوشنبه، پایتخت این کشور برگزار شد.