اخبار هیدراسلایدافغانستانگزارش

رئیس‌ جمهور تاجیکستان: در افغانستان ده‌ها هزار «انتحاری» در حال آموزش‌اند

رئیس جمهور تاجیکستان در نشستی با سران روسیه و کشورهای آسیای میانه از حضور شبه‌نظامیان و نیروهای انتحاری در مرزهای این کشور با افغانستان خبر داد.

به گزارش شانا به نقل از شفقنا؛ امامعلی رحمان، رئیس‌جمهور تاجیکستان، دیروز جمعه ۲۲ میزان، در نشستی با سران روسیه و کشورهای آسیای میانه از حضور شبه‌نظامیان و «نیروهای انتحاری» در مرزهای افغانستان ابراز نگرانی کرد.

او گفت: در افغانستان ده‌ها هزار «مجاهد» به‌شمول «بمب‌گذاران انتحاری» آموزش می‌بینند.

امامعلی رحمان افزود: ما شاهد گسترش فعالیت گروه‌های مختلف تروریستی و افراطی در افغانستان هستیم.

او در این نشست که رئیسان جمهور روسیه، قرقیزستان، ترکمنستان و ازبکستان حضور داشتند گفت: بیش از ۱۲ گروه تروریستی در افغانستان حضور دارند.

دکمه بازگشت به بالا